Шинэ блог нээгдлээ

Нэгийгээ байнга шинэчилэж чадахгүй байж яах гэж шинэ блог эхлүүлдэг байна аа гэж зарим хүн хэлэх байх. Гэхдээ тэр яахав ээ. БИ ШИНЭ БЛОГ ЭХЛҮҮЛЧИХЛЭЭ.

...АМЬДРАЛАА ГЭЖ...

Энэ шинэ блог маань илүү хувийн чанартай байх болно. Хэтээгийн дотоод амьдралыг сонирхож байвал ороод үзээрэй. Хуучин блог маань илүү орчуулга болон Христчин уран зохиолоор үргэлжлэх болно.

Даширамд хэлэхэд миний завны төлөө гуйгаарай. Хэд хэдэн номнуудыг орчуулан энэ VOLARE блогоороо уншигчиддаа танилцуулах санаатай байна.

Есүс Ертөнцийн Эзэн мөн үү (төгсгөл)

Есүс өөрийгөө бүхнийг Бүтээгч нэгэн гэж тунхагласан гэж үү?

Гэтэл Есүс өөрийгөө Ертөнцийн Эзэний эрх мэдлийг илэрхийлж байсан төдий бөгөөд өөрийгөө үнэндээ Тэр бүтээгч гэж хэлээгүй байж болох уу? Өнгөц харахад энэ нь боломжтой мэт харагдах боловч Есүсийн хэлсэн тэнгэр дэлхийн бүх эрх мэдэл надад өгөдсөн гэх үгнээс харахад тэр өөрөө бүхнийг Бүтээгч байхаас өөр аргагүй болоод байна. ”Бүх” гэдэг үг нь бүгдийг хамруулсан утгатай бөгөөд үүнд бүх бүтээлүүд тэр чигээрээ багтна.

Есүсийн хэлсэн үгсийг нарийвчлан гүнзгий харахад нэгэн давталт илэрхий болох болно. Есүс өөрийнхөө талаар хэлсэн тэдгээр гоц үгс хэрэв үнэн бол гарцаагүй түүнийг Мөнхийн Эзэн байсан гэдэгт дүгнэлтэнд хүргэдэг. Доор түүнийг харсан хүмүүсийн хэлсэн тиймэрхүү үгсийн жагсаалт байна.

• Би бол дахин амилалт болоод амьдрал юм. (Иоган 11:25)
  
• Би хорвоогийн гэрэл (Иоган 8:12)
  
• Би болон миний Эцэг нэг юм (Иоган 10:30)
  
• Би бол альфа ба омега, эхэн ба сүүл, эхлэл ба төгсгөл. (Үзэгдэл 22:13)
  
• Би бол зам үнэн амь (Иоган 14:6)
  
• Би бол Эцэг рүү очих цор ганц зам (Иоган 14:6)
  
• Хэрэв та нар намайг харсан бол миний Эцгийг харсантай адил (Иоган 14:9)
  

Бид эргээд үндсэн утга санааг нь харах хэрэгтэй. Еврей судар дээр Мүшэх Ертөнцийн Эзэнээс нэрийг нь асуухад Ертөнцийн Эзэн түүнд шатаж байгаа бутан дотороос “БИ” гэж хэлсэн байдаг. Үүгээрээ Тэр Мүшэхэд Өөрийгөө цорын ганц Бүтээгч бөгөөд мөнх оршигч цаг хугацаанд үл захирагдагч гэдгээ илэрхийлэн ойлгуулж байсан юм.

Мүшэхийн үеээс хойш ямар ч Еврей өөрийгөө болон бусдыг “БИ” хэмээн илэрхийлдэггүй байсан юм. Үүний үр дүнд Есүсийн “БИ” хэмээн хэлсэн үг болгон еврей удирдагч нарыг үнэхээр бухимдуулж байсан. Жишээлбэл нэгэн удаа зарим удирдагч нар Есүсийг яагаад алахыг хүсэж байгаа тухайгаа тайлбарлан хэлэхдээ “Чи энгийн нэгэн хүн байж өөрийгөө Ертөнцийн Эзэн хэмээн үзэж байна.” Гэсэн байдаг. (Иоган 10:33)

Иймэрхүү үг шашины удирдагч нарын уурыг хүргэж байсан нь гол асуудал биш юм. Харин тэд Есүсийн яг юу хэлээд байгааг үнэхээр сайн мэдэж байсан юм. Тэдний хувьд Есүс өөрийгөө Ертөнцийн Бүтээгч Их Эзэн хэмээн хэлж байсныг тэд ойлгосон байна. Зөвхөн иймэрхүү үгс л тэдний хувьд Ертөнцийн Эзэний доромжилсонд тооцогддог. Тэгэхээр өөрийгөө Ертөнцийн Эзэн гэж хэлсэн Есүсийн үгс төдийгүй сонссон хүмүүсийн тэр үгэнд үзүүлж байгаа хариу үйлдлээс харахад л Есүс үнэхээр өөрийгөө Бүтээгч Эзэн хэмээн тунхаглаж байсан нь тодорхой байдаг.

Тэр үнэхээр л Ертөнцийн Эзэн мөн билээ.

Есүс Ертөнцийн Эзэн мөн үү? (4 дэх хэсэг)

Есүс Өөрийгөө Ертөнцийн Эзэн гэж хэлсэн гэж үү?

Христийн сүм бий болж эхлэсэн тэр л цагаас хойш Есүс хүмүүстээ Их Эзэн гэж нэрлэгдэг байсан бөгөөд Есүст итгэгчид түүний Ертөнцийн Эзэн гэж мэддэг. Гэтэл түүнийг ийнхүү Агуу Ихэд тооцсон онол нь нэлээдгүй маргааныг бий болгосон юм. Тэгэхээр үндсэн асуулт бол /энэ бол үнэхээр үндсэн асуулт юм/: ЕСҮС өөрийгөө ЕРТӨНЦИЙН ЭЗЭН гэж тунхагласан уу эсвэл энэ нь Шинэ Гэрээг зохиосон хүмүүсийн үзэл бодол эсвэл санаанаасаа зохиосон зүйл байв уу? гэдэгт оршино.

Зарим эрдэмтэд Есүсийг үнэхээр авъяастай чадварлаг багш, гайхамшигтай зан чанартай хүн байсан учраас дагалдагч нар нь түүнийг Ертөнцийн Эзэн гэж бодоход хүржээ гэж итгэдэг. Эсвэл тэр дагалдагч нар нь Есүсийг Ертөнцийн Эзэн гэж бодохыг хүссэн байх гэж хэлэх хүн ч бий. Жон Доминик Кросан /John Dominic Crossan/ болон Есүс Семинарынхан (ер бусын гайхамшигийг эсэргүүцэн нотлох үзэлтэй эрдэмтэдийн нийгэмлэг) бол Есүсийн энэхүү тодорхойлолтонд эргэлздэг тэдгээр хүмүүсийн нэг хэсэг юм.

Хэдийгээр “Давинчи Код” зэргийн номууд Есүсийг Ертөнцийн Эзэн гэх онол нь түүний сүмийнхний сүүлд гаргасан онол гэж маргах боловч түүхийн эд мөрийн баримт бидэнд өөр зүйл харуулж байдаг. Сайн мэдээний номыг баттай хэмээн итгэн хүлээн зөвшөөрдөг ихэнхи итгэгчид Есүс өөрөө өөрийгөө Ертөнцийн Эзэн болохыг тунхаглан зарласан гэдэг хатуу байр суурьтай байдаг. Энэхүү байр суурь нь Есүсийн анхны дагалдагч нараас эхтэй болох нь тодорхой юм. Гэвч Есүсийг агуу багш байсан гэж хүлээн зөвшөөрөх мөртлөө түүнийг Ертөнцийн Эзэн байсаныг нь үл зөвшөөрөх хүмүүс байсаар л байна. Томас Жефферсон Есүсийг Ертөнцийн Эзэн байсан гэдгийг нь үгүйсгэж байсан ч түүний ёс суртахуун зан чанарыг сургаалуудыг хүлээн зөвшөөрч байсан билээ. Гэдэ бидний дээр дурдсанчлан хэрэв Есүс өөрийгөө тунхаглаж байсан тэр нэгэн биш байсан бол түүний ёс суртахууны гайхшруулаад байгаа сургаалууд нь ч мөн адил үнэн биш байх боломжтой гэдгийг бид ойлгох хэрэгтэй юм.

Есүс өөрийгөө эртний зарлага Мүшэх Даниелтай зүйрлэшгүй нэгэн гэдгээ тунхаглаж байсан нь Сайн мэдээний номыг өнгөц төдий уншсан ч тодорхой харагдана. Гэхдээ бидний анхаарал хандуулах асуудал бол түүний өөрийгөө хэн гэж тунхаглаж байгаад оршино. Хоёр гол зүйл дээр төвлөрье.

• Есүс өөрийгөө Ертөнцийн Эзэн гэж /бурхан/ тунхагласан уу?
• Есүс Ертөнцийн Эзэн /бурхан/ гэхдээ Еврей Библи дээр гардаг орчлон ертөнцийн бий болгон бүтээсэн Бүтээгчийг хэлж байсан уу?

Энэ асуултанд хариулахдаа Матай 28:18 дээр хэлсэн Есүсийн үгэнд анхаарлаа хандуулъя: “Тэнгэр дэлхий дээрх бүх эрх мэдэл надад өгөгдсөн.” Энд эрх мэдэл “өгөгдсөн” гэж юуг илэрхийлж байна вэ?

Бидний сонссоноор Есүс хүний биетэй болон ирэхээсээ өмнө Аавтайгаа нэгдмэл хамт байсан бөгөөд Ертөнцийн Эзэн байсан учир бүх эрх мэдэл түүнийх байсан юм. Гэтэл Филипой 2:6-11 бидэнд хэлэхдээ Есүс хэдийгээр Ертөнцийн Эзэний хэлбэрт байсан боловч хүн болж төрөхийн тулд Ертөнцийн Эзэний бүх хүч чадлыг “тайлж” орхисон гэж байна. Тэгээд үргэлжлүүлэн хэлэхдээ Есүс дахин амилсаныхаа дараа урдныхаа цог жавхлан сүр хүчийг эргүүлэн авсан бөгөөд хожим “бүх хүн түүний өмнө Их Эзэн гэж өвдөг сөгдөнө.” гэсэн байдаг.
Тэгэхээр Есүс тэнгэр дэлхий дээрх бүх эрх мэдлийг эзэмшиж байгаа гэж хэлэхдээ юуг илэрхийлж байна вэ? Ромын дарлалд байсан Израйлчуудын хувьд Эрх Мэдэл гэдэг нэр томъёо үнэхээр ойлгомжтой зүйл байсан юм. Тэр үед Ромын эзэнт улс даяар Цезарь хамгийн дээл эрх мэдэлтэй нь байсан бөгөөд түүний зарилгаар мянга мянган цэрэг хөдлөн дайн хийж, гэмт хэрэгтнүүдийг залхаан шийтгэж, хууль цааз гарган даган мөрдүүлж, засгийн эрхийг баридаг байсан. Үнэндээ бол Цезарь өөрөө хүртэл өөрийнх нь энэ эрх мэдлийг бурханы эсвэл ертөнцийн дээд эрх мэдэл гэж итгэдэг байсан юм.

Тиймээс Есүс өөрийгөө ядаж л Цезарь шиг эрх мэдэлтэй гэдгийг тодорхой харууласан юм. Гэхдээ тэрээр өөрийгөө тэр үеийн Еврей удирдагч нар болон Ромын эрх баригчдаас илүү эрх мэдэлтэй нэгэн гэж хэлээгүй харин ч орчлон ертөнцийн хамгийн дээд эрх мэдэлтэй нэгэн гэдгээ тодорхой хэлсэн байна. Үүнийг сонсож байсан тэр хүмүүст Есүс өөрийгөө Ертөнцийн Эзэн хэмээн хэлж байгаа нь ойлгомжтой байсан юм. Зүгээр нэгэн бурхан биш харин Ертөнцийн Бүтээгч Цор Ганц Эзэн. Тэдний үг болон үйлдэл нь Есүсийг Ертөнцийн Эзэн байсан гэдэгт бат итгэж байсаныг нь харуулдаг.

Есүс Ертөнцийн Эзэн мөн үү? (3 дах хэсэг)

Есүс Шашины Агуу Удирдагч байсан уу?

Есүс үнэхээр “Шашины Агуу Удирдагч” гэдэг нэрийг хүртвэл зохих нэгэн мөн үү? Гайхалтай нь Есүс хэзээ ч өөрийгөө шашины удирдагч гэж зарлаагүй. Тэр хэзээ ч шашинаар хөөцөлдөөгүй бөгөөд ашиг сонирхолын ямар нэгэн зорилго тавиагүй юм. Харин түүний үйлчлэл тухайн үеийнхээ шашины байгуулалтуудаас бүрэн тусгаар байсан юм.

Есүсийг бусад шашны удирдагч нартай харьцуулахад гайхамшигтай ялгаа харагддаг. Хиндүү шашны соёлд өссөн Рави Закариас /Ravi Zacharias/ дэлхийн шашинуудыг судлаад Есүс Христ болон бусад шашны үндэслэгчдийн хоорондох үндсэн ялгааг ажиглажээ.

“Бид тэднийг хэн ч гэж өргөмжилсөн бай хамаагүй, нэгэн бодит үнэнийг анзаарахгүй өнгөрөх аргагүй юм. Тэд бүгд өөрсдийнхөө эсвэл ямар нэгэн арга барил, сургаалдаа чиглэсэн байдаг. Энэ бүхэнд амьдрах арга барил зааварчилгаа заавал байдаг. Хүн Зороастр руу хүрэх гэж түүний сургаалыг дагадаггүй түүний заасныг сонсох гэж түүнрүү ханддаг. Будда хүнийг чөлөөлдөггүй харин түүний сургаал танд заавар өгдөг. Мухамед таныг өөрчилдөггүй харин Коран судар таныг өөрчилдөг. Харин Есүс бол өөр Есүс зөвхөн өөрийн сургаалаа зааж түгээгээгүй. Сургаалтайгаа яг адилхан амьдарсан юм. ”

Закариасын энэ үнэний гол үзэл санаа бол Сайн мэдээний номууд дээр гардаг Есүсийн олон сургаалууд зөвхөн л “над дээр ир...”, ”намайг дага”, “миний хэлсэнийг дага” гэсэн байдагаар харагддаг. Түүнээс гадна Есүс өөрийнх нь ирсэн шалтгаан хүний гэмийг уучлах байсан гэдгийг тодорхой хэлсэн байдаг. Гэтэл зөвхөн Ертөнцийн Эзэн л үүнийг хийж чадна.

Өөр ямар ч шашны удирдагчид өөрсдийгөө хүний гэмийг уучлах хүчтэй гэж зарлаж байгаагүй. Гэтэл энэ л ганцхан Есүсийн бусдаас ялгарах онцлог байсан юм биш ээ. Хадсон Смит /Hudson Smith/ Дэлхийн Агуу Их Шашинууд гэдэг номондоо хэлэхдээ “’өөрийгөө хэн бэ?’ гэдэг асуултанд биш харин ‘өөрийгөө чухам хүн үү бурхан уу?’ гэдэг асуултанд хамгийн их ялгардаг хоёр хүн л байдаг нь Будда болон Есүс юм. Будда хожим хүмүүс өөрийг нь шүтэхээс болгоомжлуулах гэсэн мэт өөрийгөө бурхан биш энгийн хүн гэдгээ тов тодорхой хэлсэн байхад Есүс эсрэгээр нь, өөрийгөө Ертөнцийн Бүтээгч Эзэн гэдгээ нотлож байжээ.”

Есүс Ертөнцийн Эзэн мөн үү? (2 дах хэсэг)

Чадварлаг ёс суртахууны багш уу?

Бараг бүх эрдэмтэд Есүсийг үнэхээр чадварлаг ёс суртахууны багш байсан гэж үздэг. Үнэхээр ч түүний хүний ёс суртахууны талаарх бишрэм үзэл сургаал нь бусад шашинд хүртэл үнэлэгдсэн амжилт байсан юм. Еврей эрдэмтэн Жосеф Клауснэр (Joseph Klausner) “Назарын Есүс” хэмээх номондоо “Христ эртний хамгийн мэргэн хүмүүсийн ёс суртахууны үзэл сургаалыг хүртэл хол даван хаясан хамгийн ариун бөгөөд дээд зэргийн ёс суртахууныг бидэнд заасан гэдэг нь бүх дэлхийд хүлээн зөвшөөрөгдсөн”¹

Есүсийн уулан дээрх сургаалууд хүний ёс суртахууны талаар заасан хамгийн дээд зэргийн сайн хичээл байсан гэж тооцогддог. Үнэндээ бидний мэддэг ‘хүний тэгш эрх’-н талаарх үзэл баримтлалын ихэнхи нь Есүсийн сургаалын үр дүн юм. Түүх судлаач Уил Дурант (Will Durant) Есүсийн талаар хэлэхдээ: “Тэрээр хүний тэгш эрхийн төлөө амьдарч үүний төлөө байнгийн бэрхшээл зовлон туулж байсан юм. Хэрэв тэр орчин үед байсан бол сибирьт цөллөгдөх байсан бизээ. ‘Та нарын дунд тэргүүн нь болохыг хүссэн хүн бусаддаа үйлчлэх ёстой’ гэж хэлсэн нь улс төрийн хамгийн агуу их мэргэн ухаан бөгөөд хамгийн зөв ойлголт юм.”гэжээ.

Зарим хүмүүс Есүсийн ёс суртахууний талаарх сургаалыг түүний өөрийнхөө талаар хэлж байсан тодорхойлолтуудаас салгаж ойлгохыг хичээдэг. Тэд Есүсийг ёс суртахууны талаар давгүй сургаал заасан сайн хүн төдий л ойлгодог. Энэ ойлголт Америкийг үндэслэсэн нэгэн “эцэгт” байсан юм.

АНУ-н ерөнхийлэгч байсан Томас Жефферсон, логик ухаанаараа гэрээрсэн тэрээр цагаан ордонд ширээн дээрээ хоёр адилхан Шинэ Гэрээ болон цаас зүсэгч, найм хэмжээтэй цаастай хэдэн шөнө сууж өөрийн “Назарын Есүсийн философи” хэмээх нимгэн номоо өөрийн библиэсээ тасалж, наасаар асар богинохон хугацаанд бичсэн байдаг. Шинэ гэрээнээс Есүсийн Ертөнцийн Эзэн байсныг илчилсэн бүх хэсгүүдийг тайрч авсаны дараа Жефферсон ёс суртанхууны сайн удирдамжаас илүүч үгүй дутуу ч үгүй Есүсийг бий болгосон юм.

Гэтэл гайхалтай нь Жефферсоны Тусгаар тогтнолын Тунхаг бичигт үлдээсэн мартагдашгүй үгс нь Есүсийн сургаалд үндэслэсэн байдаг: хүн тус бүр нас хүйс, арьс өнгө, нийгмийн гарал байдлаас үл хамааран Ертөнцийн Эзэнд асар их бөгөөд адилхан чухалд тооцогддог. Мөн энэ алдартай баримт бичиг нь үргэлжлүүлэн “бидний хувьд доорх үнэн нь өөрийгөө нотлодог болно. Үүнд хүн бүр адил тэгш бүтээгдсэн бөгөөд Бүтээгчээс нь тодорхой халдашгүй эрх, эрх чөлөө өгөгдсөн байдаг...”

Гэвч Жефферсоны хэзээ ч хөндөөгүй нэг асуулт бол: Хэрэв Есүс өөрийгөө Ертөнцийн Эзэн байсан гэж худлаа хэлсэн бол хэрхэн агуу их ёс суртахууны удирдагч байж чадах вэ? гэдэг асуулт байсан юм. Тиймээс магадгүй Есүс тийм ч агуу ёс суртахуунтай байгаагүй зөвхөн нэг шашин үүсгэх хувийн зорилготой байсан байх нь ээ. Тэгвэл түүний агуу их байсан чанарыг үүгээр тайлбарлах гээд үзье. /үргэлжлэл бий./

Есүс Ертөнцийн Эзэн мөн үү? (1 дэх хэсэг)

Есүс Ертөнцийн Эзэн мөн үү?

Та үргэлж бусдын анхаарлын төвд байдаг соронзон мэт бусдыг татдаг хувийн чанартай хүнтэй таарч байсан уу? Тэдний хувийн зан чанар уу эсвэл тэдний ухаан бодол ч байж болох юм ямарч байсан ямар нэгэн нууцлаг хүч тэдэнд байдаг. Хоёр мянгаад жилийн өмнө Есүс Христийн хувьд ч бас иймэрхүү байсан юм.

Есүсийг сонсож харсан бүхэнд түүний агуу их чанар нь илэрхий харагдаж байв. Гэвч олон агуу хүмүүс түүхийн номонд л мөнхрөн үлдэг бол Назар хотын Есүс өнөөг хүртэл олон ном зохиол хэвлэл мэдээллийн гол маргаантай асуудал хэвээрээ байсаар байдаг. Түүнчлэн тэдгээр маргааны ихэнхи нь Есүсийн өөрийнхөө талаар хэлсэн зоримог гэмээр тодорхойлолтуудыг тойрон эргэж байдаг.

Израйлын Галил нутгийн харанхуй бүдүүлэг тосгоны нэрд гараагүй мужаан гэж бодоход Есүс өөрийнхөө талаар хэрэв үнэн бол бидний амьдралд гайхамшигтай нөлөө үзүүлэх тодорхойлолтуудыг хэлсэн байдаг. Есүсийнхээр бол та бид агуу том ертөнцийн нэг чухал хэсэг бөгөөд Түүнтэй хамт тэр бүхний төв болсон онцгой хүмүүс болж байгаа юм. Энэ мэт тодорхойлолтууд нь сонсон хүн бүхнийг гайхан бишэрэхэд хүргэдэг билээ.

Чухамхүү Есүсийн хэлсэн эдгээр тодорхойлолтууд л түүнийг Ромын эрх баригчид болон Еврейн эрхтэн дархтан нарт нүд үзүүрлэгдэхэд хүргэсэн юм. Тэр хэдийгээр ямарч нийгмийн дээд гарал болон улс төрийн баттай байр суургүй байсан боловч гуравхан жилийн дотор түүнээс хойшхи 20 зууны турш хүн төрөлхтөнийг өөрчилж чадсан юм. Бусад ёс суртахууны болон шашны удирдагчид нөлөөгөө үлдээж байсан боловч хэн нь ч Назарын нэр алдаргүй тэр мужааны үлдээсэн нөлөөг гүйцэхгүй.

Юу Есүс Христийн ийм өөрчлөлт гаргахад нөлөөлсөн бэ? Тэр нэгэн агуу хүн байв уу? Эсвэл үүнээс илүү зүйл үүнд нуугдаж байна уу?

Эдгээр асуултууд биднийг Есүс үнэндээ хэн байв гэдэг нууцруу хүргэдэг. Зарим хүмүүс түүнийг ёс суртахууны алдарт багш байсан гэж үздэг зарим нь түүнийг дэлхийн хамгийн агуу шашны удирдагч байсан гэж итгэдэг. Харин олон хүмүүс түүнийг үүнээс ч агуу нэгэн байсан гэдэгт огт эргэлздэггүй. Христийнхэн Ертөнцийн Эзэн хүний хэлбэрээр бидний дунд ирсэн гэж итгэдэг. Үүнийг батлах нотолгоонд ч тэд эргэлздэггүй. Тэгэхээр Есүс жинхэнээсээ хэн байв? Бүгдээрээ үүнийг илүү тодруулан харцгаая.

Бид ийнхүү дэлхийн хамгийн маргаантай байдаг хүний талаар нарийвчлан харахад хамгийн түрүүнд дараах асуулт урган гардаг: Есүс зүгээр л нэг ёс суртахууны чадалтай удирдагч байсан юм биш биз?

Богинохон амьдрал чинь зүрхийг минь хайраар дүүргэн, томоос том зай эзэлж байсан шүү. Дүү Ялалт чамайгаа дахин харах тэр өдрийг хүлээж байна даа! Хэтээ ах нь.

Extreme Prayer

5 ДАХ ӨДӨР

Хятад: Вонг эгч

Хятадын шоронгийн нэгэн бяцхан өрөөнд дотоодыг хамгаалахын цагдаа орж ирэхэд Вонг эгч түүнээс зайлан холдов. Энэ хүйтэн сэтгэлт цагдаа олон Христэд итгэгчдийг баривчлан хавчиж зовоосон бөгөөд хэдхэн хоногийн өмнө Вонг эгчийг эрүүдэн шүүж зодож зовоосон юм.

"Вонг эгчээ та туслаач, эгч минь маш хүнд өвчин туслаад хоёр хөл нь юуч мэдэрхээ больсон. Та ирж түүний төлөө Ертөнцийн Эзэнээсээ гуйж өгч болох уу?" Өөрөөс нь Библи болон хэдэн зуун Христитгэлт ном хэвлэлийг хураан авч байсан энэ хүн үнэхээр нөгөө цагдаа бишсэн билүү? Гэтэл одоо түүнээс Ертөнцийн Эзэнтэй ярьж өгөөч гэж гуйгаад зогсож байх!? Ертөнцийн Эзэн үнэхээр түүний анхаарлыг татсан байна шүү.

Хэдэн өдрийн өмнө энэхүү цагдаа Вонг эгчийг байцаан зодож нүдэн зовоож байхдаа нэгэн дуудлага утсаар авсан бөгөөд утасны цаанаас ээж нь автомашинд мөргүүлсэн болохыг түүнд мэдэгдсэн юм. Ээждээ өөрийнхөө тэр үед юу хийж байснаа дурдахад ээж нь түүнд энэ бүх осол аваар түүний Христэд итгэгчдэд учруулсан гай зовлонгоос болж байгаа юм гэж хэлсэн байна. Энэхүү сануулга түүнд зүгээр л нэг мухар сүсэг төдий санагдаад өнгөрч билээ.

Дараагийн өдөр тэр дахин Вонг эгчийг байцааж байгаад мөн л утасны дуудлага хүлээж аван ах нь аваарт орсон гэж сонсов. Гэр бүлд нь тохиолдож байгаа энэ бүх гай ланчигийг өнөөх цагдаагийн ах нь дүүгийнхээ Христэд итгэгчдийг хавчин зовоосноос болсон гэж буруутгав. Харин үүний дараа эгч нь өвчин тусах үед тэрээр Вонг эгчээс Ертөнцийн Эзэнтэй ярьж өгөхийг хүссэн байна.

Өөрийг нь хавчиж байгаа хүмүүст авралын зар тараах боломж нээгдэн Вонг эгч өөрийнх нь гуйж байсан боломжуудыг Ертөнцийн Эзэн нээж өгч байгааг харлаа. Ертөнцийн Эзэн цагдаагийн эгчийг эдгээж өгөөд Вонг эгчээр дамжуулан тэр цагдаагийн зүрх сэтгэлийг өөрчлөв. Цагдаа Вонг эгчээс хураан авсан бүх библүүдээ буцааж өгч одоо сүмийг дэмждэг болсон юм.

Үйл явдал 9:11

Ихэнхи хүмүүс зовлон шаналалын үед гуйлтанд татагддаг. Хэн нэгний төлөө гуйлт хийж өгөх болон хэн нэгнээс гуйлт хийж өгөөч гэж хүсэх үед итгэл үнэмшил эсрэг байгаа өчүүхэн ч саад гэсэн хэсэг хэсгээр нуран унадаг. Бусдын хариу үл нэхэх гуйлт хийж өгье гэсэн саналаас татгалзах хүн цөөхөн байдаг. "Чиний төлөө Ертөнцийн Эзэнээс гуйж байгаа шүү" гэсэн үг Есүст итгэгч хүний Есүст үл итгэгчид хэлж болох хамгийн хүчирхэг үг байж чаддаг. Яагаад? Ертөнцийн Эзэнтэй ярьж гуйна гэдэг бол Ертөнцийн Эзэний өөрчлөлт хийх гол орц юм. Энэ нь заавал үр дүн бий болгодог. Заримдаа гуйлт нөхцөл байдлыг өөрчилдөг. Заримдаа буруу шийдвэрүүдийг буцаадаг. Ихэнхи тохиолдолд гуйлт нь гуйлгасан хүнийг өөрчилдөг. Урд нь Христэд итгэгчдийг хавчин гадуурхагч байсан Тарс хотын Суулийн хувьд Есүст итгээд хийсэн анхны үйлдэл нь Ертөнцийн Эзэнтэй ярьж гуйж байсан гэдгийг библи бидэнд харуулж байна. Дэлхий даяар христитгэлийг устгахыг хүсэн эрмэлзэж байгаа хичнээн олон "Суулиудыг" Есүст итгүүлэхэд гуйлтын хүч нөлөө хэр их болохыг хэн хэлж мэдэх билээ.

Extreme Light

4 ДЭХ ӨДӨР

Колорадо: Рачил Скот.

"...Одоо би сургууль дээрээ нэг ч найзгүй болсон. "Хэлсэн дээ байхыг чинь харнаа..." гэж тэд намайг шоолдог." Рачилийн өдрийн тэмдэглэлд буй эдгээр үгнээс түүний Есүсийн хайрыг харуулах гэж хүссэн тэр л хүмүүс нь түүнээс зай барин холдсонд сэтгэл дундуур байгааг нь харуулна. Гэвч тэр бууж өгөөгүй.

"Би Есүсийн нэрийг алдаршуулан ярьсандаа бусдаас хүлцэл өчихгүй. Би өөрөө үүнийг даана. Хэрэв Есүс миний хамгийн сайн найз болсоны минь төлөө миний бусад найзууд маань дайсан болоход хүрвэл одоо яая гэх вэ. Есүст итгэнэ гэдэг нь олон дайсантай болно гэсэн үг гэдгийг би эртнээс мэдэж байсан. Харин тэдгээр дайснууд нь миний хамгийн сайн найзууд маань байх болно гэдгийг үнэхээр бодож байгаагүй юм. "

Хоёр сурагч сургууль дээрээ галт зэвсэгээр гал нээн олон хүний аминд хүрээд өөрсдийгөө егүүтгэсэн тэр өдөр Рачил Колумбийн тэрхүү ахлах сургуулийн сурагч байсан юм. Буу барьсан хоёрын нэг нь түүн рүү буу тулгаад чи Ертөнцийн Эзэнд итгэсэн хэвээрээ л байна уу гэж асуув. Рачил түүний нүд рүү эгцлэн хараад Тиймээ бид Ертөнцийн Эзэнд итгэсэн хэвээр ээ байгаа гэж хэлжээ. Буутай этгээд түүнээс "Яагаад" гэж чангаар асуугаад хөөрхий охины хариултыг хүлээлгүй гохоо дарсан юм.

Рачил Скот шалгалтандаа тэнцлээ. Ийнхүү шалгалтандаа тэнцсэнээс болж түүний ГЭРЭЛ сургуулиас нь хальж дэлхий даяр туярсан юм. Энэхүү шалгалт ирэхээс нэлээд хэсэг хугацааны өмнө Рачил Христийн төлөө байгаа бүхнээ өгөхөд ч бэлэн байгаагаа илэрхийлж байсан. Түүний өдрийн тэмдэглэлдээ бичиж үлдээсэн доорх үгс нас барахаас яг нэг жилийн өмнө түүний өөрийгөө зориулахад бэлэн байдлыг илтгэн бичигдсэн байдаг. "Ертөнцийн Эзэний миний дотор хийсэн гэрэлийг би нуухгүй. Үүний төлөө бүхнээ золиослох хэрэгтэй болсон ч би бэлэн байна."

Матай5:16

Итгэл бол бидний Христтэй харилцах хувийн харилцааны ялагдашгүй илэрхийлэл юм. Библи хүний итгэлийг гэрэлтэй зүйрлэсэн байдаг. тэдний эргэн тойронд байгаа бүхэнд нөлөөлөх итгэл найдварын тоосыг цацаж байдаг. Гэрлийн халхлагдашгүй чанарыг ашиглан Есүс мөн гэрлээр жишээ авсан байдаг нь олон. Жишээ нь: Ихэнхи хүүхдүүд мэддэггүй боловч хөнжил доор гар чийдэнгийн гэрэлд ном унших нь шөний харанхуйд тэр бүр үр дүнтэй нууцлагдмал байж чаддагүй билээ. Гэрэл өөрийн мөн чанарын дагуу бидний хаалт боолтыг үл харгалзан байнга гэрэлтэж байдаг. Есүст итгэгчдийн амьдралд итгэлээ илчлэн гэрэлтэх үү эсвэл ямар нэгэн байдлаар түүнийг нууж дараад өнгөрөөх үү гэдгийг сонгох шаардлагагүй цагт айдас эргэлзээ ирдэг. Өдөр бүр нар баттай мандаж байдаггийн хамт итгэлээ илчлэн зогсохоор шийдсэн хүний амьдрал энэ амьдралын хоёрдох гэрэл болон туяардаг юм.

Extreme readiness

3 ДАХ ӨДӨР

Хятад: Пастор Ли Диксиан

Ли Диксиан пасторыг дөнгөж сургаалаа зааж эхлүүт гэр сүмийн хаалга хүчтэй ярагдан Хятадын дотоодын хамгаалахын зэвсэгтэй цагдаа нь өрөөнд бөөнөөрөө орж ирэн тэнд байгаа хүн бүрийг сүрдүүлэн айлгаж Лиг баривчилахаар барьж авав.

"Хүлээ, намайг цүнхээ авахыг минь зөвшөөрнө үү!" Яг л урдын адил пасторын цагдаа нарт хандах хоолой нь боловсон бөгөөд шийдэмгий өнгө аяс илтгэнэ.

Цагдаа нар энэ хүсэлтийг сонсоод гайхцгаав. "Энд чинь юу байгаа юм?" гээд тэд Лигийн гарт байсан цахилгаан товчтой хар цүнхийг шүүрч аван онгойлгон үзэв. Цүнхэнд нэг хөнжил солих хувцас байлаа. Ли тэдэнд хандан өнөөдөр баривчлагдана гэдгээ мэдэж байсан гэж учирыг нь хэлэв.

Ли пастор олон удаа баривчлагдаж байсан бөгөөд хоёр удаа цагдаа нар түүнийг цусаар бөөлжтөл нь зодож байв. Мөн нэг удаа Лиг библиэр нь нүүр нүдгүй балбаж байсан удаатай. Хэн нэгэн Лид анхааруулан Мягмар гаригийн цуглаан хийдэг тосгоныг цагдаа нар хараандаа авсан байн гэж хэлжээ. Тэнд очих юм бол шоронд хоригдоно гэдгээ тэр мэдэж байсан. Өнөөдөр Хятад улсын иргэн ямар ч шүүх хуралгүйгээр 3 жил хүртэлхи хугацаагаар хөдөлмөрын лагерт хоригдох боломжтой байдаг.

Эрсдэл өндөр байсан боловч Лигийн цүнх аль хэдийнээ бэлэн болсон байлаа. Зөвхөн цүнх нь бэлэн байсан төдийгүй түүний зүрх сэтгэл оюун санаа нь бэлэн байсан юм. Сайн мэдээг ямарч үнээр хамаагүй тараахаар шийдсэн тэрээр Ертөнцийн Эзэн шоронд хүртэл өөрийг нь анхааран халамжлах болно гэдэгт итгэлтэй байв.

1Петр 4:12

Бэлэн байн гэдэг бол өөрийгөө зориулсаны шинж тэмдэг юм. Золиос гаргахад бэлтгэгдээгүй хэрнээ өөрийгөө зориулна гэж хэлэх нь зүгээр нэг нүүрээ хувиргасан урвалт гэсэн үг. Жишээлбэл: гэрлэлтэндээ өөрийгөө зориулах талаар авч үзье. Энэ нь хүнээс хувиа бодох хүслийг нь шаардах бөгөөд хэн нэгнээс хамааралгүй байх эрмэлзэлд нь хүнд цохилт болдог. Гэвч үүний үр дүнд хүчтэй гэр бүл бий болдог. Өөрийгөө зориулахын төлөө золиос гаргахад бэлэн биш байгаа харилцаа уддаггүй. Бууж өгөн урвах нь харилцаанд сөргөөр нөлөөлдөг бөгөөд бидний өөрийгөө бүрэн зориулах хүсэл чадварыг сулруулдаг. Үүний адил өөрийгөө Хрисэд бүр мөсөн зориулахаар шийдсэн итгэгчдийн хувьд энэ үнэ цэнээ хадгалахын тулд үнийг нь төлөх хэрэгтэй болдог. Өдөр бүр Христийг дагах нь үнэхээр үнэтэй зүйл мөн гэдгийг харуулан байж бид өөрийгөө зориулсан эсэхээ шалгуулах шалгалтанд бэлдэх хэрэгтэй. Сүмд цуглан хамтдаа Ертөнцийн Эзэний магтан хүндлэх нь үнэхээр үнэтэй зүйл. Ямарч эргэлт буцалтгүйгээр Христэд өөрийгөө зориулан хүнд хэцүүг туулан бусдад адлуулж, шоронд хүртэл хоригдох нь үнэтэй зүйл юм.

Жич:
Compromise- гэдэг үгийг Бууж өгөх буюу урвах гэж орчууллаа.
Commitment-гэдэг үгийг өөрийгөө зориулах гэж орчууллаа.

Extreme Unity

2 ДАХ ӨДӨР

Маверитан: Тимот

" Түүнд хэлчих л дээ, Тимотоо би чамаас гуйя" хэмээн Маура нөхрөөсөө хичээнгүйлэн гуйна. "Мужийн захирагчид судрыг хаана нууснаа хэлчихээд эрх чөлөөтэй явцгаая л даа, Би үүнийг цаашдаа харж тэсвэрлэхгүй нь ээ." Тимот Маура хоёр Ром улсын Маверитани мужид амьдардаг бөгөөд гэр бүл болоод хэдхэн долоо хонож байгаа билээ.

Цэргүүд нөхрийг нь үг алдуулахын тулд халуун төмөрөөр хоёр нүдыг нь ухан хаяж байгаа аймшигт дүр зургийг Маура харсан юм. Одоо нөхөр нь Ромын амбан захирагч Аррианус тушаалаар хөлөөрөө доош харан, хүзүүнээсээ хүнд жин уяуулан, аман дах боолтоо авахыг нь хүлээн дүүжлээстэй хэвтэнэ. Анх баривчлагдахдаа мэдэрч байсан айдас нь одоо Ер бусын амар тайвнаар солигджээ.

Амных нь боолтыг авсан цэргүүдийн хүлээж байсан шиг өөрийн итгэлээсээ татгалзан, сүмийнхээ нууцалсан судруудын байгаа газрыг илчилэхийн оронд Тимот залуу эхнэрээ зэмлэн "намайг гэсэн хайр чинь Христийг гэсэн хайранд чинь саад болохыг битгий зөвшөөр" гэж хэлэн Аврагчийнхаа төлөө амиа өгөхөөр буцалтгүй шийдсэн хүслээ батлан харуулжээ.

Нөхрийнхөө эр зоригийг харан Маурагийн сэтгэл зүрх хүчирхэгжив. Тимотоос татгалзсан хариу аван уур хилэнгээр шатсан Аррианус Маурагийн шинэхэн зоригийг мохоохоор дайрав. Тэрээр Маураг Ромын хамгийн харгис хатуу эрүү шүүлтэнд оруулан тамлах шийтгэл оноов. Гэвч Маура бууж өгөөгүй юм. Тэр Христээс урвахаас татгалзасан.

Тус бүрдээ үгээр илэрхийлэшгүй тамлал зовлон үзсэний эцэст Тимоти Маура хоёр зэрэгцэн загалмайд цовдлогдон дууссан юм.

Холосас 2:2

Есүс өөрийнхөө ажлыг хоорондоо хамааралгүй итгэгчидэд үлдээгээгүй юм. Тэрээр ер бусын сүнслэг итгэлийн гэр бүлийг бий болгосон. Дагалдагч нараа энэ бүхэнд ганцаар байлгахыг хүсээгүй гэдгээ ойлгуулахын тулд Есүс "ах эгч" гэх үгсийг ихээр хэрэглэсэн. Пууль Христийн даалгаварыг үргэлжлүүлэхдээ шинэ итгэгчдийг нэгдэн нөхөрлөж хамтдаа Их Эзэнээ хүндэтгэн магтахын тулд сүм сүмээрээ цуглаж байхыг зааварласан байдаг. Христэд итгэгчид бие биедээ хэрэгтэй, ялангуяа бэрхшээл сорилтын үед. Нэг итгэгч зүрх алдах үед нөгөө нь дэмжин урамшуулахаар ажиллаж эхлэдэг. Тийм ч учраас Шинэ гэрээ биднийг бусдын үлгэр дуурайлалыг харж амьдрахыг Христэд итгэгч амьдралын шаардлага гэдгийг сануулдаг. Нэг хүний итгэлийн болон зориг хатуужлын үлгэр жишээ нь бусдад мөн итгэл урам зориг өгөн дагуулдаг. Үүний зэрэгцээгээр нэг итгэгчийн итгэл сулран унах нь бусдыг мөн бууж өгөхөд хүргэдэг. Түүх Христэд итгэгч андуудын эв нэгдлийг өндөрт өргөсөн байдаг. Ялангуяа хавчлага зовлонгийн үед...

Extreme Question

1 ДЭХ ӨДӨР.

Турк: Эркан Сенгүл

Лалын шашинт Турк улсад Есүс Христийг хүлээн авч амьдралаа түүнд зориулахаар анх шийдэхэд нь хүмүүс түүнийг (Эркан Сенгүлийг) улс үндэстэн, өв соёлоосоо урваж байна гэж үзэж байлаа. Мөн Ертөнцийн Эзэн минь би Таны төлөө юу ч хийхэд бэлэн байна гэж хэлж байхдаа тэр үнэн сэтгэлээсээ хэлж байсан юм. Харин одоо ...

Эркан харанхуй битүү шоронгийн өрөөнд бусад хоригдлуудын хамт байгаа бөгөөд христ итгэлт ном бусдад тараан Лалын шашныг гутаан доромжилсон хэргээр орон нутгийн цагдаа нарт баривчлагдан ирсэн нь энэ.
Эркан Ертөнцийн Эзэн рүү уйлан хандаж, аварч чөлөөлөхийг хичээнгүйлэн гуйн залбирна. Тэрээр ямар ч буруу юм хийгээгүй бөгөөд энэ шоронд хоригдох юу ч хийгээгүй гэдгээ мэдэж байлаа. Гэнэт " Чи миний төлөө юу ч хийхэд бэлэн байна гэж хэлж байсан билүү" гэх Ертөнцийн Эзэний үг зүрхэнд шивнэж " чи тэр үед үнэхээр чинь сэтгэлээсээ хэлсэн үү?" гэх нь сонсогдов.

Ертөнцийн Эзэний өмнө нурсан зүрхтэй тэрээр уйлан хүндэтгэн зүрх сэтгэлээсээ Их Эзэндээ хандан "би үнэн сэтгэлээсээ хэлсэн юм" гэж хэллээ. Тэр цагаас хойш Эркан шорон дотор өдөр болгон гурван цаг сургаал заан авралын зар тарааж эхлэв. Ингээд тэр Ертөнцийн Эзэн өөрт нь шинэ ажлын талбар шинэ үүрэг даалгавар өгөх гэж энэ шоронд орохыг зөвшөөрсөн болохыг ойлгов. Түүний эсрэг мэдүүлэг өгсөн гэрчүүд цагдаа нарын шахалтан доор тийм зүйл хийсэн гэдгээ хүлээн зөвшөөрч, шүүх түүнийг буруутгах гэмт хэргийн ямарч нотолгоо байхгүй гэж дүгнэлт гаргатал гучин хоног шоронд байжээ.

Ийнхүү баривчлагдсан нь түүнд илүү олон хүнд авралын зар тараах боломж олгосон юм. Түүнийг суллагдсанаас хойш түүнтэй хамт шоронд байсан олон хүмүүс сүмд ирэн түүнд шорон хоригдож байхад нь амар тайван өгч байсан Ертөнцийн Эзэнийх нь тухай асуун сонирхож байсан юм. Эркан өөрийгөө дахин баривчлагдаж болзошгүй гэдгий мэдэх хэдийч үргэлжлүүлэн Христитгэлт ном зохиолуудаа баяр хөөртэйгээр тараасан хэвээрээ байгаа.

Эфэс 6:19-20

Ихэнхи Христэд итгэгчид Ертөнцийн Эзэнд үйлчлэн ашиглагдахыг хүсэж байна гэж хэлэхдээ хавчлага, зовлонтой тулгарна гэж тэр бүр бодоогүй байсан гэдгээ хүлээн зөвшөөрдөг. Мэдээж бид итгэлээрээ амьдрахыг хүсдэг боловч хавчлага дундуур явах хүсэлгүй байдаг. Бид албан тушаал ахиж чадалгүй үлдэх үед мөн нийгмийн аливаа үйл явдлаас хоцрох үед бусдад мэхлүүлэн, гадуурхагдан, хохирсон мэт санагддаг. Хэдий тийм цөхөрөнгөө барах үед хүртэл бид Ертөнцийн Эзэнийг түүнтэй гуйн ярин байж хайх хэрэгтэй. Тэрхэн мөчид гуйлт маань хэрхэн аливаа зүйлийг харах бидний харааг өөрчлөн байгааг бид мэдэрч болно. Бид тэр нөхцөл байдлаас өсөлт, дэвшийн боломжуудыг хардаг. Бидний найдвар тэндээс олддог. Мөн тэр хүнд зовлонгоос амлалт биелэхийг харна. Тэгээд аажимаар бидэнд тулгарсан шудрага бус байдал Ертөнцийн Эзэний төлөвлөгөөний хэсэг болохийг бид ухаарч эхлэдэг. Ертөнцийн Эзэний хавчлага зовлонгийн талаарх ойлголтыг хүлээн авахын төлөө түүнээс гуйхдаа бид эцсээ хүртэл бүх үнээр Түүнд дуулгавартай байх зориг тэвчээрийг авдаг.

Нэгэн Колумба эмэгтэйгийн хариу өшөө авалт

The Voice of the Martyrs^®

Юубиз уй гашуугаар дүүрэн хэн рүү эргэхээ мэдэхгүй байсан юм. Өнгөрсөн жил Юубизийн нөхөр пастор залуу өөрийн итгэл, Есүс Христийн тухай үнэн сургаалаасаа болж бусдын гарт зэрлэгээр алуусан юм. Энэ явдлаас болж тэдний 2 настай охин нь зочирдон хэлгүй болсон байна. Тэр бяцхан охин зөвхөн зураг л зурж суудаг болсон бөгөөд тэрхүү зураг болгон дээр нь "Аав" гэсэн ганц үг л бичээтэй байдаг.

The Voice of the Martyrs байгууллагын тусламжтайгаар Юубиз өөртөө шаардлагатай тусламж болон охиндоо мэргэжлийн сэтгэлзүйн зөвлөгөө авах боломжтой болжээ. Урагш үргэжлүүлэн явахаар шийдэн тэрээр Библийн сургуульд бүртгүүлсэн бөгөөд саяхан өгсөн нэгэн ярилцлагандаа тэрээр...

"Нөхрийг минь алсан тэр хүмүүсээс би өшөө авахийг асар их хүсэж байсан. Би тэднийг хэн гэдгийг мэднэ. Харин Ертөнцийн Эзэн надад хамгийн агуу их өшөө авалт бол тэдэн Есүсийн тухай үнэнг ярих явдал шүү гэж хэлсэн. Тиймээс би яг л үүнийг л хийх болно" гэсэн байна.

Та мэдээж өдөр дутмын мэдээлэлийн хэрэгслүүдээр энэ мэт түүхүүдийг сонсож чаддагүй боловч итгэлийнхээ төлөө хавчигдан гадуурхагдаж байгаа Есүсийнхэн өнөөдөр ч байгаа гэдгийг битгий мартаарай.

Та тэдний талаарх олон мэдээлэлүүдийг The Voice of the Martyrs линкээр орж бүртгүүлсэнээр тогтмол авч байж болно. Мөн би өөртөө ирж байгаа мэдээлэлүүдийг цаг тухайд нь орчуулан хүргэж байх болно.

Итгэл нэгт хайрт ах дүүсээ ганцааранг нь зовлонд бүү үлдээгээрэй.

Би гэж...

Би гэж нэг хүн. Үнэндээ аль болох л ухаантай амьдарч хүнд гай болохгүй өрөөлд нэрмээс болохгүй байх санаатай... Гэтэл үнэхээр санаагаар болохгүй юм аа. Миний хамгийн зөв гэж бодсон зүйл маань хэн нэгэнд буруу хэмээн хэлэгдэж байх юм. Гэтэл хүний "зөвөө зөв чи заавал наадахаараа л хийх хэрэгтэй" гэж хөөрөгсөн зүйл нь үнэндээ жинхэнэ "mess" байх жишээтэй.

Ингэхэд, энэ амьдралд ямарч зүйлийн өмнө буруутгал хүлээхгүй амьдрах арга байна уу?

Хүний амьдралд тэгш ус мэт үйлчилдэг, үнэнийг бодитоор нь харуулдаг тийм сургаал ингэхэд байна уу? Тэгвэл түүнийг нь л дагаад өөр бусад бүхний өмнө нүүр улайхгүй амьдрах нь дээр юм байна дөө.

"Би бол хорвоогийн гэрэл, намайг итгэн дагасан хүний амьдрал гэрэлтэй болно."
гэж нэг хүн хэлсэн байдаг. Тэр гэрэл л харанхуйд төөрсөн хүн бүрд үнэндээ юуны өмнө зөв байх ёстой харуулж өгч чадна. Түүнийг Есүс гэдэг.