Есүс Ертөнцийн Эзэн мөн үү?
Та үргэлж бусдын анхаарлын төвд байдаг соронзон мэт бусдыг татдаг хувийн чанартай хүнтэй таарч байсан уу? Тэдний хувийн зан чанар уу эсвэл тэдний ухаан бодол ч байж болох юм ямарч байсан ямар нэгэн нууцлаг хүч тэдэнд байдаг. Хоёр мянгаад жилийн өмнө Есүс Христийн хувьд ч бас иймэрхүү байсан юм.
Есүсийг сонсож харсан бүхэнд түүний агуу их чанар нь илэрхий харагдаж байв. Гэвч олон агуу хүмүүс түүхийн номонд л мөнхрөн үлдэг бол Назар хотын Есүс өнөөг хүртэл олон ном зохиол хэвлэл мэдээллийн гол маргаантай асуудал хэвээрээ байсаар байдаг. Түүнчлэн тэдгээр маргааны ихэнхи нь Есүсийн өөрийнхөө талаар хэлсэн зоримог гэмээр тодорхойлолтуудыг тойрон эргэж байдаг.
Израйлын Галил нутгийн харанхуй бүдүүлэг тосгоны нэрд гараагүй мужаан гэж бодоход Есүс өөрийнхөө талаар хэрэв үнэн бол бидний амьдралд гайхамшигтай нөлөө үзүүлэх тодорхойлолтуудыг хэлсэн байдаг. Есүсийнхээр бол та бид агуу том ертөнцийн нэг чухал хэсэг бөгөөд Түүнтэй хамт тэр бүхний төв болсон онцгой хүмүүс болж байгаа юм. Энэ мэт тодорхойлолтууд нь сонсон хүн бүхнийг гайхан бишэрэхэд хүргэдэг билээ.
Чухамхүү Есүсийн хэлсэн эдгээр тодорхойлолтууд л түүнийг Ромын эрх баригчид болон Еврейн эрхтэн дархтан нарт нүд үзүүрлэгдэхэд хүргэсэн юм. Тэр хэдийгээр ямарч нийгмийн дээд гарал болон улс төрийн баттай байр суургүй байсан боловч гуравхан жилийн дотор түүнээс хойшхи 20 зууны турш хүн төрөлхтөнийг өөрчилж чадсан юм. Бусад ёс суртахууны болон шашны удирдагчид нөлөөгөө үлдээж байсан боловч хэн нь ч Назарын нэр алдаргүй тэр мужааны үлдээсэн нөлөөг гүйцэхгүй.
Юу Есүс Христийн ийм өөрчлөлт гаргахад нөлөөлсөн бэ? Тэр нэгэн агуу хүн байв уу? Эсвэл үүнээс илүү зүйл үүнд нуугдаж байна уу?
Эдгээр асуултууд биднийг Есүс үнэндээ хэн байв гэдэг нууцруу хүргэдэг. Зарим хүмүүс түүнийг ёс суртахууны алдарт багш байсан гэж үздэг зарим нь түүнийг дэлхийн хамгийн агуу шашны удирдагч байсан гэж итгэдэг. Харин олон хүмүүс түүнийг үүнээс ч агуу нэгэн байсан гэдэгт огт эргэлздэггүй. Христийнхэн Ертөнцийн Эзэн хүний хэлбэрээр бидний дунд ирсэн гэж итгэдэг. Үүнийг батлах нотолгоонд ч тэд эргэлздэггүй. Тэгэхээр Есүс жинхэнээсээ хэн байв? Бүгдээрээ үүнийг илүү тодруулан харцгаая.
Бид ийнхүү дэлхийн хамгийн маргаантай байдаг хүний талаар нарийвчлан харахад хамгийн түрүүнд дараах асуулт урган гардаг: Есүс зүгээр л нэг ёс суртахууны чадалтай удирдагч байсан юм биш биз?
1 comment:
medeej chadaltai udirdagch bsn n hend ch oilgomjtoi uchir ni jesus burhanii tsoriin gants hairtai huu shuu dee ghdee zubhun udirdaj gdg ug jesus.d heterhii uchuuhen sonsogdoj bna minii huvid jesus minii abragch tuuniig todorhoiloh chadal nadad bln hun turluhtund bhgu l dee herwee bid tuuniig iq.tushinguur medej abdag bsn bol ene delhiin buh humuus bid unheer urubultei uldeh bsn ghdee For god so loved the world that He gave his only begotten son, thah whoever believes in Him shoud not perish but havi everlasting life. Amen ter bidniig uneheer ih hairlasan l uchir bid tuuniig tanij tuunii hairnd dund amidarch bgaa bolohoos bid mundagtaa ch eswel busad burhniig medeeguu humuusees uhaantaidaa bol bishee gj bodoj bna
Post a Comment